Յուրաքանչյուր տարի ՀՀ սպորտի և երիտասարդության հարցերի նախարարությունը ՀՀ և ԼՂՀ քաղաքներում և անց է կացնում <Մարզական փառատոն> մրցույթ-ստուգատեսը: Այս տարի Վանաձոր համայնքը ճանաչվել է հաղթող և սպորտի և երիտասարդության հարցերի նախարարի կողմից արժանացել է գավաթի և հավաստագրի:
ՀՀ սպորտի և երիասարդության հարցերի նախարար Գաբրիել Ղազարյանը դեկտեմբերի 19-ին մասնակցել է Հայաստանի Հանրապետության նախագահի մրցանակի համար <Լավագույն քաղաքային մարզական համայնք>, <Լավագույն գյուղական մարզական համայնք>, <Լավագույն մարզական բակ> 2014 թվականի հանրապետական ստուգատեսների հաղթողների մրցանակների հանձնման հանդիսավոր արարողությանը:
Միաժամանակ, համապատասխան առաջին կարգի հավաստագրով և գավաթով է պարգևատրվել 2014թ-ին ՀՀ մարզերում և ԼՂՀ-ում անցկացված <Մարզական փառատոնի> հաղթող Լոռու մարզի Վանաձոր քաղաքը: Մրցանակը Վանաձորի քաղաքապետարանի ֆիզկուլտուրայի և սպորտի բաժնի պետին է հանձնել անձամբ սպորտի և երիտասարդության հարցերի նախարար Գաբրիել Ղազարյանը: Հաջորդ օրն արդեն գավաթը բաժնի պետի կողմից հանձնվել է քաղաքապետ Սամվել Դարբինյանին:
Հարկ է նկատել, որ Վանաձորը բացի այս ևս երկու հաղթանակ է տարել, այս տարի արդեն զբաղեցնելով պատվավոր առաջին տեղը:
Սիրով շնորհավորում ենք Վանաձորի քաղաապետարանի ֆիզկուլտուրայի և սպորտի բաժնի աշխատակիցներին հերթական անգամ փառատոնը բարձր մակարդակով կազմակերպելու և հաղթանակած վերադառնալու համար:
