Ո Ր Ո Շ ՈՒ Մ
12 փետրվարի 2021 թվականի N 8
ՎԱՆԱՁՈՐ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ ՀՈՂԱՄԱՍԸ ՀԱՄԱՅՆՔԱՅԻՆ ՍԵՓԱԿԱՆՈՒԹՅՈՒՆ ՃԱՆԱՉԵԼՈՒ ՄԱՍԻՆ
Հիմք ընդունելով ՀՀ կադաստրի կոմիտեի գույքի նկատմամբ իրավունքի (սահմանափակման) պետական գրանցման վարույթը կասեցնելու մասին 20/01/2021թ. թիվ Կ-20012021-06-0103 որոշումը, հողամասի հատակագիծը, կադաստրային քարտեզից քաղվածքը և Վանաձոր համայնքի ղեկավարի առաջարկությունն այն մասին, որ կադաստրային քարտեզի և տեղեկագրքերի համաձայն 06-001-0152-0001 ծածկագրով հողամասը սխալմամբ հաշվառվել է որպես «անհայտ» քաղաքացուն սեփականություն փոխանցված հողամաս և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետով, ՀՀ կառավարությանն առընթեր անշարժ գույքի կադաստրի պետական կոմիտեի նախագահի 01.06.2010թ. թիվ 186-Ն հրամանով հաստատված հրահանգի 9-րդ կետի 2-րդ և 5-րդ ենթակետերով՝ Վանաձոր համայնքի ավագանին որոշում է.
1.Ճանաչել Վանաձոր համայնքի սեփականության իրավունքը 06-001-0152-0001 ծածկագրով հողամասի նկատմամբ՝ համաձայն հողամասի հատակագծի և կադաստրային քարտեզից քաղվածքի:
2.Վանաձոր համայնքի ղեկավար Մ.Ասլանյանին՝ դիմել ՀՀ կադաստրի կոմիտեի Լոռու մարզային ստորաբաժանում 06-001-0152-0001 ծածկագրով հողամասի նկատմամբ Վանաձոր համայնքի սեփականության իրավունքի պետական գրանցում կատարելու և սեփականության իրավունքի վկայական տրամադրելու համար:
ԿՈՂՄ (23) | ԴԵՄ(0) | ՁԵՌՆՊԱՀ (0) | |
---|---|---|---|
Մ.Ասլանյան | Ա.Փելեշյան | ||
Գ.Քալանթարյան | Կ.Դավթյան | ||
Վ.Դոխոյան | Կ. Ղուկասյան | ||
Խ.Վարդանյան | Ա.Սիրադեղյան | ||
Ա.Ափինյան | Հ.Սիմիկյան | ||
Մ.Հովհաննիսյան | Ռ.Մարգարյան | ||
Վ.Ավագյան | Վ.Կռոյան | ||
Դ.Սիմոնյան | Ա.Կարապետյան | ||
Ս.Աղաբեկյան | Մ.Ապերյան | ||
Ս.Մելքոնյան | Հ.Ղամբարյան | ||
Ս.Ղամբարյան | Դ.Հակոբյան | ||
Ա.Լոքյան |
ՀԱՄԱՅՆՔԻ ՂԵԿԱՎԱՐ՝ ՄԱՄԻԿՈՆ ԱՍԼԱՆՅԱՆ