Ո Ր Ո Շ ՈՒ Մ

19 մարտի 2021 թվականի N 27

ՈՉ ԲՆԱԿԵԼԻ ՏԱՐԱԾՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՊԱՅՄԱՆԱԳԻՐԸ ՎԱՂԱԺԱՄԿԵՏ ԼՈՒԾԵԼՈՒ ԵՎ ՎԱՆԱՁՈՐԻ ՀԱՄԱՅՆՔԻ ԱՎԱԳԱՆՈՒ 2010 ԹՎԱԿԱՆԻ ՀՈՒԼԻՍԻ 30-Ի ԹԻՎ 62 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով Վալերիկ Ժամհարյանի 09․03․2021 թվականի թիվ 02/3365 դիմումը, ղեկավարվելով ՀՀ քաղաքացիական օրենսգրքի 466-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետով, 19.08.2010 թվականի «Ոչ բնակելի տարածքի անհատույց օգտագործման» թիվ 453 պայմանագրի 5.1 կետով և «Նորմատիվ իրավական ակտերի մասին» ՀՀ օրենքի 37-րդ հոդվածով` Վանաձոր համայնքի ավագանին որոշում է․

1․ Վաղաժամկետ լուծել 2010 թվականի օգոստոսի 19-ին կնքված «Ոչ բնակելի տարածքի անհատույց օգտագործման»  թիվ 453 պայմանագիրը:

2․ Ուժը կորցրած ճանաչել Վանաձորի համայնքի ավագանու 2010 թվականի հուլիսի 30-ի ««Վ․ Ժամհարյան» սպորտակումբ ՍՊԸ-ին տարածք հանձնելու մասին» թիվ 62 որոշումը:

3.Վանաձոր համայնքի ղեկավարին՝ կնքել պայմանագիրը վաղաժամկետ լուծելու վերաբերյալ համաձայնագիր:

4․ Վանաձորի համայնքապետարանի աշխատակազմի քարտուղարության, տեղեկատվության և աշխատանքի բաժնին` սույն որոշման մեկ օրինակը ուղարկել ՀՀ անշարժ գույքի կադաստրի կոմիտեի Լոռու մարզային ստորաբաժանում:

ՀԱՄԱՅՆՔԻ ՂԵԿԱՎԱՐ՝    ՄԱՄԻԿՈՆ ԱՍԼԱՆՅԱՆ