Այսօր՝ մայիսի 13-ին Վանաձորի համայնքապետարանի նիստերի դահլիճում տեղի ունեցավ ավագանու արտահերթ նիստ։

Նիստին ներկա էին ավագանու 33 անդամներից 17-ը։

Նիստը սկսվեց օրակարգի հաստատմամբ, որը բաղկացած էր 15 հարցից։

Առաջինը քննարկվեցին և քվեարկությամբ ընդունվեցին Հայաստանի Հանրապետության Լոռու մարզի Վանաձոր համայնքի ավագանու 29 նոյեմբերի 2023 թվականի թիվ 39-Ն որոշման մեջ փոփոխություններ կատարելու և Վանաձոր համայնքի ավագանու 26 ապրիլի 2023 թվականի թիվ 9 որոշման մեջ փոփոխություններ կատարելու մասին նախագծերը։

Քվեարկությամբ ընդունվեց Վանաձոր համայնքի Գուգարք բնակավայրում գտնվող 2-րդ փողոցի մի հատվածի անվանումը փոխելու մասին նախագիծը։

Քվեարկությամբ ընդունվել է նաև Վանաձոր համայնքի Շահումյան բնակավայրի « Սպիտակ ջուր» ջրընդունիչի զբաղեցրած հողամասը Հայաստանի Հանրապետությանը նվիրատվությամբ հանձնելու մասին նախագիծը։

Ընդունվել է նաև «Լոռու մարզի ձյուդոյի ֆեդերացիա» հասարակական կազմակերպությանը անհատույց օգտագործման իրավունքով տարածք տրամադրելու մասին որոշման նախագիծը։

Ավագանու անդամներին ներկայացվեցին և վերջիններիս կողմից քննարկվեցին և քվեարկությամբ հաստատվեցին մի շարք նախագծեր, որոնք կարևոր նշանակություն ունեն Վանաձոր խոշորացված համայնքի բնակիչների կենսապայմանների բարելավման հարցում։