Չնայած որ Վանաձորում (Կիրովական )1988 թվականի երկրաշարժից քանդվել էր 130 շենք՝ 5415 բնակարանով, իսկ մինչ օրս կառուցվել է 388 շենք և 71 քոթեջ՝ 5220 բնակարանով, սակայն 84 3րդ կարգի ամրացման ենթական շենքերի խնդիրը դեռևս չի լուծված: Առավել մտահոգիչ է, որ այդ 84 բազմաբնակարան շենքերից 7-ը բազմահարկ են՝ 9 հարկանի, և դրանց ամրացման պարագայում զգալիորեն կթեթևանար անօթևան ընտանիքների խնդիրը Վանաձորում: Քաղաքապետարանը հույս ունի, որ առաջիկա տարիներին պետական աջակցությամբ կլուծվի այդ շենքերի ամրացման հարցը և համապատասխան բաժինները ուշադրության կենտրոնում են պահում խնդիրը: Առաջիկա օրերին Վանաձորի քաղաքապետը, ով նաև մասնագիտությամբ շինարար է, պատրաստվում է անձամբ ուսումնասիրել 3-րդ կարգի վթարայնությամբ մի քանի բազմահարկ շենքերի վիճակը, որպեսզի հետագայում , երբ կառավարությունը կորոշի իրականացնել ամրացման աշխատանքներ, որոշվի դրանց ամրացման առաջնահերթությունը: Այս խնդրով քաղաքացիների և լրագրողների իրազեկությունը լիարժեք ապահովելու նպատակով Վանաձորի քաղաքապետրանը շրջանառության մեջ է դրել Վանաձորի 3-րդ կարգի ամրացման ենթական շենքերի մասին տեղեկանք, որը սպառիչ տեղեկություն է պարունակում այդ շենքերի վերաբերյալ՝.

Տեղեկանք

3-րդ կարգի ամրացման ենթակա շենքերի մասին

Ընդամենը -84 շենք
Ընդհանուր մակերեսը – 334000քմ.,
Բնակելի մակերեսը – 203000քմ.
Բնակարանների քանակը-3280 բնակարան, որից 1 սենյակ՝ 699հատ, 2 սենյակ՝ 1032հատ, 3 սենյակ՝ 1104հատ, 4 սենյակ՝ 445 հատ;
Թվով 84 շենքերից 5 շենքը կոոպերատիվ շենքեր են, որից 1սենյակ՝ 38 հատ, 2 սենյակ՝ 60 հատ, 3 սենյակ՝ 39 հատ, 4 սենյակ՝ 11 հատ;
Շենքերն ըստ հարկայնության – 2 հարկանի՝ 13 շենք, 3 հարկանի՝ 4 շենք, 4 հարկանի՝ 9 շենք, 5 հարկանի՝ 51 շենք, 9 հարկանի՝ 7 շենք;

Շենքերի գտնվելու վայրերը ըստ թաղամասերի

Կենտրոնում 52 շենք` 1700 բնակարան
Դիմացում 3շենք` 642 բնակարան
Բազումում 12շենք` 622 բնակարան
տարբեր թաղամասերում 7շենք 316 բնակարան

Ամրացման ենթական շենքերի գտնվելու վայրը ըստ փողոցների
Կ.Դեմիրճյան,Գր. Լուսավորիչ-21 հատ շենք
Մոսկովյան-5 հատ շենք
Շինարարների-5հատ շենք
Համբարձումյան-5հատ շենք
Տիգրան Մեծի-4 հատ շենք
Տերյան -4հատ շենք
Լազյան-3 հատ շենք
Նժդեհի-3հատ շենք
Խորենացի -3հատ շենք
Աղայան –3 հատ շենք
Ռուսթավի -2 հատ շենք
Գրիբոյեդովի-2 հատ շենք
Սուխումի-2 հատ շենք
Տպագրիչների-2հատ շենք
Բաթումի -2 հատ շենք
Թումանյան- 2 հատ շենք
Իսահակյան -2հատ շենք
Շիրակի խճ.-2հատ շենք
Բաղրամյան -1 հատ շենք
Չարենցի-1 հատ շենք
Երևանյան խճ. -1 հատ շենք
Չուխաջյան-1 հատ շենք
Տիգրանյան-1 հատ շենք
Վարդանանց-1հատ շենք
Ներսիսյան թաղ. -1 հատ շենք
Կնունյանց- 1 հատ շենք
Բանակի-1 հատ շենք
Զաքարյան-1 հատ շենք
Չերկասի- 1հատ շենք
Ավետիսյան-1 հատ շենք