Համաձայն Վանաձորի համայնքապետարանի ֆիզկուլտուրայի, սպորտի և երիտասարդության հարցերի բաժնի միջոցառումների պլանի, նոյեմբերի 1-ից 4-ը Ա. Ազարյանի անվան «Կենտրոն» համալիր մարզադպրոցի մարզադահլիճում անցկացվեց Վանաձոր քաղաքի տղաների և աղջիկների բասկետբոլի գավաթի խաղարկություն:
Պարգևատրման արարողությանը ներկա էին Վանաձորի համայնքապետարանի աշխատակազմի ֆիզկուլտուրայի, սպորտի և երիտասարդության հարցերի բաժնի պետ Գևորգ Մացակյանը և բաժնի աշխատակիցներ:
Աղջիկների մրցումներում առաջին տեղ գրավեց «Թիվ 5 ավագ դպրոցի» թիմը, երկրորդ տեղ`«ՎՊՀ-ի վարժարանի » թիմը, երրորդ տեղ`«Թիվ 4 հիմնական դպրոցի» թիմը:
Տղաների մրցումներում առաջին տեղ գրավեց «Թիվ 11 ավագ դպրոցի» թիմը, երկրորդ տեղ` «Էվրիկա» բնագիտամաթեմատիկական թեքումով հատուկ դպրոցի» թիմը, երրորդ տեղ`«Լոռու տարածաշրջանային պետական քոլեջի» թիմը:
Գավաթի խաղարկությունում հաղթող և մրցանակակիր թիմերը պարգևատրվեցին համայնքապետարանի կողմից սահմանված համապատասխան կարգի պատվոգրերով, գավաթներով և մեդալներով:
Աղջիկների մրցումներում լավագույններ ճանաչվեցին` Հայարփի Ալեքսանյանը /Թիվ 5 ավագ դպրոց/, Թեհմինե Աթոյանը` /ՎՊՀ-ի վարժարան/, Մանե Ոսկանյանը` /Թիվ 4 հիմնական դպրոց/:
Տղաների մրցումներում լավագույններ ճանաչվեցին` Յուրի Ասլիկյանը /Թիվ 11-րդ ավագ դպրոց/, Գարիկ Եղիազարյանը` /Լոռու տարածաշրջանային պետական քոլեջ/, Ժորա Ղումաշյանը` /«Էվրիկա» բնագիտամաթեմատիկական թեքումով հատուկ դպրոց»/: Նրանք պարգևատրվեցին մարզական արձանիկներով և պատվոգրերով:
Շնորհակալագրեր հանձնվեցին մրցավարներին, մարզադպրոցի կոլեկտիվին և ոստիկանության աշխատակիցներին:
