Այսօր Վանաձորի Շառլ Ազնավուրի անվան մշակույթի պալատում տեղի ունեցավ «Վանաձոր OPEN-2024» շախմատի միջազգային մրցաշարի բացման հանդիսավոր արարողությունը։ Միջոցառումը նախաձեռնել է ՖԻԴԵ-ի վարպետ, շախմատի թիմային օլիմպիադայի արծաթե մեդալակիր, աշխարհի չեմպիոն Սարգիս Սարգսյանը։ Միջոցառման իրականացմանը աջակցել է Վանաձորի համայնքապետարանը։

Բացման արարողությանը օրհնության խոսք ասաց արժանապատիվ տեր Տաճատ քահանա Բարսեղյանը։

Ողջույնի և մրցաշարի մեկնարկի առթիվ շնորհավորական խոսքով հանդես եկան Լոռու փոխմարզպետ Գոռ Ասրյանը և Վանաձորի համայնքապետարանի սպորտի, երիտասարդության հարցերի բաժնի պետ Սասուն Բեգլարյանը։

Միջոցառումը շարունակվեց Վանաձորի երգի թատրոնի մենակատարների ելությներով։

Մրցաշարին մասնակցում են 8 երկրի ներկայացուցիչներ՝ Շվեդիայից, Ռուսաստանի Դաշնությունից, Իրանից, Վրաստանից, Ուկրաինայից, Լիբանանից, Անգոլայից։

Մրցաշարին մասնակցում են ՀՀ հավաքականի անդամ, աշխարհահռչակ գրոսմայստերներ, միջազգային վարպետներ, մանկապատանեկան տարիքի շախմատիստներ։

Մրցաշարի մրցանակային ֆոնդը կազմում է 5 մլն դրամ։