Սիրելի՛ ուսուցիչներ,
Ի սրտե շնորհավորում եմ ձեզ մասնագիտական տոնի՝ Ուսուցչի օրվա առթիվ: Ուսուցչի մասնագիտությունը մեր երկրում պատվաբեր է եղել բոլոր ժամանակներում: Ուսուցիչը միշտ համարվել է մշակույթի կրողը:
Ժամանակները փոխվում են, իսկ ուսուցչի դերն ու նշանակությունը մնում են անփոփոխ․ ոչ մի գերժամանակակից տեխնոլոգիա, ոչ մի նորարարություն չի կարող փոխարինել մանկավարժական տաղանդը, հմտությունը, ուսուցչի տված ջերմությունը: Ձեր շնորհիվ, մեր սիրելի ուսուցիչներ, ակտիվ, ստեղծագործ, հավակնոտ երեխաների սերունդ է մեծանում։ Նրանց հաջողությունները ձեր վաստակն ու ներդրումն են մեր երկրի ապագայի համար:
Մասնագիտական օրվա առիթն օգտագործելով՝ ուզում եմ շնորհակալություն հայտնել` դպրոցին ու աշակերտին ձեր նվիրումի, հոգատարության ու ջանքերի համար։
Սրտանց մաղթում եմ ձեզ քաջառողջություն, մասնագիտական ձեռքբերումներ և բարեկեցություն ձեր ընտանիքներին:
