Այսօր Լոռու մարզպետարանում անցկացվել է խորհրդակցություն Լոռու մարզպետ Արամ Ղազարյանի, Կադաստրի կոմիտեի ղեկավար Սուրեն Թովմասյանի, կոմիտեի գլխավոր քարտուղար Մհեր Խաչատրյանի, մարզի համայնքների ղեկավարների, Կադաստրի կոմիտեի, մարզպետի աշխատակազմի և համայնքապետարանների պատասխանատու այլ պաշտոնյաների մասնակցությամբ:
Հանդիպման ընթացքում քննարկվել են Կադաստրի կոմիտեի գործառույթներին և համայնքների հետ առավել արդյունավետ համագործակցությանն առնչվող հարցեր:
Կոմիտեի ղեկավարը մանրամասն ներկայացրել է համակարգում ընթացող համապարփակ բարեփոխումները: Նրա խոսքերով նորաստեղծ Լոռու մարզային խորհրդատվական կենտրոնը թույլ է տալիս էականորեն բարելավել քաղաքացիներին մատուցվող ծառայությունների որակը: Համայնքի ղեկավարները կոմիտեի գործառույթների առնչությամբ տարաբնույթ հարցեր են բարձրաձայնել։Կոմիտեի նախագահը հանգամանալից պատասխանել է բոլոր հարցերին, ներկայացրել պարզաբանումներ:Համայնքներում առկա հիմնախնդիրների օպերատիվ կարգավորման, խնդրահարույց հարցերի արագ և արդյունավետ լուծման նպատակով՝ պայմանավորվածություն է ձեռքբերվել Կադաստրի կոմիտեի մասնագետների կողմից համայնքներին մասնագիտական աջակցություն տրամադրելու վերաբերյալ:
Խորհրդակցությունից հետո ներկաներն այցելել են Կադաստրի կոմիտեի Լոռու խորհրդատվական կենտրոն, ծանոթացել նորաստեղծ կենտրոնի պայմաններին, էլեկտրոնային սպասարկման նոր համակարգին։
