Սիրելի վանաձորցիներ, այս օրը բոլորիս տոնն է։ ՀՀ անկախացումից ի վեր պետականաշինությանը միտված քայլերում անգնահատելի է Տեղական ինքնակառավարման մարմինների ինստիտուտի ձևավորումն ու զարգացումը։ ՏԻՄ դերն ու նշանակությունը պետական ենթակառուցվածքների կայացման և ժողովրդավարության ամրապնդման գործում խիստ կարևոր է։ ՀՀ Ազգային Ժողովը, կարևորելով այս իրողությունը, 2011 թվականին նոյեմբերի 10-ը հռչակեց որպես Տեղական ինքնակառավարման օր։
1996 թ. նոյեմբերի 10-ին տեղի ունեցած ընտրությունների արդյունքում Հայաստանի Հանրապետությունում առաջին անգամ ձևավորվեցին Տեղական ինքնակառավարման մարմիններ, որոնք ստեղծվեցին բնակչության բարեկեցության բարելավման, սեփական պատասխանատվությամբ և oրենքի շրջանակում համայնքային խնդիրները լուծելու և համայնքի uեփականությունը տնoրինելու նպատակով։ ՏԻՄ համակարգը, նրա գործառույթները կայացման երկար ճանապարհ են անցել և դեռ շարունակելու են կատարելագործվել։ Այս օրը յուրաքանչյուր վանաձորցու տոնն է, իր համայնքը շենացնելու, իր ընտրած ներկայացուցիչների միջոցով այն արդյունավետ կառավարելու և յուրաքանչյուր վանաձորցու համար ավելի բարեկեցիկ ու բարեկարգ համայնք կերտելու օրը։ Նոյեմբերի 10-ը յուրատեսակ հիշեցում է, սկսած համայնքի ղեկավարից, ավագանուց, մինչև համայնքի վերջին բնակիչը, որ ձեռք-ձեռքի կառուցենք և շենացնենք մեր բնօրրանը, այսօրվա բոլոր մարտահրավերներն ընդունենք բաց ճակատով և կառուցողական մոտեցմամբ։ Իրական իշխանությամբ օժտված Տեղական ինքնակառավարման մարմինների գոյությունն ապահովում է արդյունավետ և, միաժամանակ, քաղաքացուն մոտեցված կառավարում, տեղական ինքնակառավարման պաշտպանությունն ու ամրապնդումը նշանակալի ներդրում են ժողովրդավարության և իշխանության ապակենտրոնացման գործում։
Շնորհավորում եմ բոլորիս՝ այս կարևոր ու գեղեցիկ օրվա առթիվ։ Վստահ եմ՝ միասին կառուցելու ենք մեր երազանքների Վանաձորը, որը երբևէ որևէ վանաձորցի չի ցանկանա լքել։
