Սիրելի’ հայրենակիցներ,
Շնորհավորում եմ Սուրբ Զատիկի’ Հարության տոնի առթիվ։
Ամեն տարի Քրիստոսի Հարության պայծառ տոնը մեր սրտերը լցնում է ուրախությամբ և հույսով: Ավելի հաստատուն է դարձնում մեր հավատը բարության և արդարության հանդեպ:
Քրիստոսի Հարությունը մաքրում է մեր հոգին մարդկային մոլորություններից և մոտեցնում Բարձրյալի պատգամներին։ Թող այս տոնի խորհուրդը ուղղորդի բոլորիս բարին գործելու և արարելու ուղիով։
Ի սրտե շնորհավորում եմ, մաղթում եմ ձեզ և ձեր ընտանիքին առողջություն և բարօրություն:
Քրիստոս հարյավ ի մեռելոց. օրհնյալ է Հարությունը Քրիստոսի։
