Շնորհավորում ենք մեծ հայի, աշխարհահռչակ արվեստագետի՝ Շառլ Ազնավուրի ծննդյան տարեդարձը։
Շառլ Ազնավուրը ճակատագրով կապված էր Վանաձորին․ դեռ 1988-ի երկրաշարժին Ազնավուրն առաջինը օգնության հասավ իր ժողովրդին և անձամբ այցելեց աղետի գոտի։ Նրա անունն է կրում Վանաձորի ամենամեծ մշակութային կենտրոնը՝ մշակույթի պալատը։ Պատիվ ունենք նրան մեր համաքաղաքացին համարելու․ Ազնավուրը Վանաձորի պատվավոր քաղաքացի է։
Շնորհավոր նրա մեծ տաղանդի բոլոր երկրպագուներին։ Ազնավուրը հայ ժողովրդի այն զավակն էր, որն իր փառահեղ արվեստի միջոցով աշխարհին պատգամեց սեր, կենսախնդություն, մարդասիրության։ Մեծագույն շանսոնյեն միավորեց երկրներ, ժողովուրդներ ու մշակույթներ։
Նա իր ժողովրդի կողքին էր ամենաօրհասական պահերին՝ իր երգով ու գործով։
Ազնավուրի երգացանկը՝ յուրահատուկ ձայնի ու մոգական մատուցման շնորհիվ շարունակելու է մնալ ամենասիրելիներից։
