Վանաձոր համայնքի ղեկավարի պաշտոնակատար Արկադի Փելեշյանի շնորհավորական ուղերձը Ազգային անվտանգության մարմինների աշխատողի օրվա կապակցությամբ

«Հայաստանի Ազգային անվտանգության մարմինների հարգելի՛ աշխատողներ,
Շնորհավորում եմ ձեզ մասնագիտական օրվա կապակցությամբ։
Այս տոնը մեր ողջ հասարակության հարգանքի խորհրդանիշն է այն մարդկանց նկատմամբ, ովքեր հսկում են մեր երկրի ինքնիշխանությունը և սահմանադրական կարգը, պաշտպանում են մեր պետական շահերը, քաղաքացիների իրավունքներն ու ազատությունները, կանխում են թշնամական գործողությունները։
Իրավամբ բազմաթիվ են խիզախության, գրագետ և օպերատիվ գործողությունների օրինակները, որոնք ցուցաբերել են այս համակարգի աշխատակիցները։ Դուք անցել եք լրջագույն փորձի ու փորձությունների հաղթահարման ուղիներ, թրծվել և վահան դարձել մեր ժողովրդի համար՝ պաշտպանելով հասարակությանը հայտնի և անհայտ բազմաթիվ սպառնալիքներից։
Թող ձեր աշխատանքը միշտ գնահատվի, և ձեր պրոֆեսիոնալիզմն ու նվիրվածությունը լինեն օրինակելի։
Շնորհակալություն ձեր կարևոր և դժվարին աշխատանքի համար:
Մաղթում եմ ձեզ քաջառողջություն, կորով և անսպառ եռանդ՝ ծառայեցնելու ի շահ մեր պետության»։

You May Also Like