Ինչպես ամեն տարի, այս տարի ևս ապրիլ ամիսը հայտարարվել է մաքրության միամսյակ: Ապրիլի 4-ին Վանաձորի քաղաքապետարանի աշխատակիցները մեկ մարդու նման մաքրման աշխատանքներ են իրականացրել Սայաթ Նովայի անվան զբոսայգում: Շաբաթօրյակներին միացել են համայնքային ենթակայության բոլոր հիմնարկ ձեռնարկություններն ու Լոռու մարզպետարանը: Վանաձորի քաղաքապետ Սամվել Դարբինյանի՝ շաբաթօրյակներին ակտիվորեն մասնակցելու կոչին արձագանքել է նաև ՀՀ ՊՆ N զորամասի հրամանատարությունը: Զորամասի շուրջ 100 զինվորներ մաքրման աշխատանքներ են իրականացրել Շառլ Ազնավուրի անվան զբոսայգում, կոտրած եկեղեցու տարածքում, Հայրենական Մեծ պատերազմի զոհերին նվիրված հուշարձանի տարածքում, Սուրբ Մարիամ Աստվածածին եկեղեցու բակում: N զորամասի հրամանատարությունը խոստացել է առաջիկա շաբաթօրյակներին ևս մասնակցություն ցուցաբերել քաղաքի մաքրման գործում: Վանաձորի քաղաքապետ Սամվել Դարբինյանը շնորհակալություն է հայտնում N զորամասի հրամանատարությանը՝ Հրայր Աթոյանի գլխավորությամբ, ինչպես նաև կոչ է անում բոլորին ակտիվորեն մասնակցել շաբաթօրյակներին, քանի որ քաղաքը մաքուր պահելը յուրաքանչյուր վանաձորցու պարտականությունն է:

Էդվարդ Արզումանյան