Վանաձոր համայնքի ղեկավարի պաշտոնակատար Արկադի Փելեշյանի շնորհավորական ուղերձ Ոստիկանության օրվա կապակցությամբ
«ՀՀ Ոստիկանության սիրելի աշխատակիցներ,
Շնորհավորում եմ ձեզ մասնագիտական տոնի’ Ոստիկանության օրվա առթիվ։
Ձեր աշխատանքը միշտ եղել և մնում է ամենադժվար, պատասխանատու և անհրաժեշտներից մեկը հասարակության համար։ Դուք ամեն օր հսկում եք կարգուկանոնը՝ պաշտպանելով մեր քաղաքացիների խաղաղությունն ու անվտանգությունը: Ձեր խիզախության, պրոֆեսիոնալիզմի և նվիրվածության շնորհիվ մեր քաղաքում բոլորը կարող են իրենց ապահով զգալ:
Ցանկանում եմ հատուկ երախտագիտություն հայտնել Ոստիկանության վետերաններին, որոնք օրինակ են եղել նվիրյալ աշխատակիցների սերունդների համար։ Ձեր փորձն ու գիտելիքները արժեքավոր ժառանգություն են մնում ապագա սերունդներին:
Շնորհավորում եմ և մաղթում՝ առողջություն, երջանկություն, բարեկեցություն և հաջողություն ձեր դժվարին, բայց շատ կարևոր գործում։ Թող ձեր ընտանիքները միշտ լցված լինեն սիրով, ջերմությամբ և փոխըմբռնմամբ»։