Սիելի՛ շրջանավարտներ, Սրտանց շնորհավորում եմ ձեզ Վերջին զանգի` դպրոցն ավարտելու կապակցությամբ։ Վերջին զանգը բոլորիս կյանիքում ամենահիշարժան օրերից մեկն է։ Դուք հետևում եք թողնում դպրոցական ուսումնառությունը, իսկ այդ տարիներին ձեռք բերած գիտելիքներով մուտք եք գործում նոր կյանք, դեպի նոր նպատակներ և նոր նվաճումներ։ Ձեր ուսուցիչները ջանք չեն խնայել կրթելու և դաստիարակելու ձեզ այնպիսին, որ կարողանաք արժանապատիվ ապագա կերտել ձեզ համար՝ որտեղ էլ լինեք։ Ձերն է ապագան։ Սիրելի ուսուցիչներ, շնորհավորում եմ նաև ձեզ՝ ևս մեկ սերունդ դեպի հասուն կյանք ճանապարհելու համար։ Վստահ եմ դուք ձեր սաներով հպարտանալու բազմաթիվ առիթներ եք ունենալու։ Սիրելի շրջանավարտներ, շնորհավորում եմ ձեզ։ Եղեք տոկուն, նպատակասլաց, նոր գիտելիքների ու փորձությունների պատրաստ։ Մաղթում եմ բոլորիդ հաջողություն և բարօրություն։