Վանաձորում մեկնարկել է Զորյան փողոցի հատվածի հիմնանորոգումը։

Այսօր աշխատանքների ընթացքին հետևել է համայնքի ղեկավարի պաշտոնակատար Արկադի Փելեշյանը։ Նա գլխավոր ճարտարապետ Սուրեն Աբովյանի և Կոմունալ տնտեսության, շրջակա միջավայրի պահպանման բաժնի պետ Բենիկ Նազարյանի հետ շրջել է շինհրապարակում, մի շարք դիտարկումներ կատարել ընթացող աշխատանքի վերաբերյալ և պատասխանատուներին հանձնարարականեր տվել։

Նորոգվում է Զորյան-Նալբանդյան խաչմերուկից Զորյան-Բաթումի խաչմերուկ ճանապարհահատվածը։

Նորոգումը կատարվում է համայնքի միջոցներով՝ 2-րդական փողոցների հիմնանորոգման ծրագրով։

Արժեքը՝ շուրջ 30 մլն դրամ է։

Ասֆալտապատման մակերեսը՝ 2200 քմ։

Զորյան փողոցի այս հատվածը վնասվել է դեռ 88-ի երկրաշարժին։ Նախատեսված է փողոցի ամբողջական հիմնանորոգում։ Այսինքն՝ կկատրվի մի քանի շերտի փոխարինում։

Այժմ ընթանում են մայթեզրերի տեղադրման աշխատանքները։