Եվրոպական Միության ֆինանսավորմամբ Կովկասի տարածաշրջանային բնապահպանական կենտրոնի Հայաստանի գրասենյակի կողմից Վանաձոր քաղաքում իրականացվող BSB 1138 «Գործընկերություն ընդդեմ գյուղական կանաչ տարածքների աղտոտման» ծրագրի շրջանակում, ս.թ.Մայիսի 15-23–ը Ռումինիայում անցկացվող ծրագրի կառավարման խորհրդի 4-րդ հանդիպմանը և ուսուցողական այցին մասնակցեց նաև Վանաձոր համայնքի աշխատակազմի զարգացման ծրագրերի, արտաքին կապերի և տեղեկատվական տեխնոլոգիաների բաժնի պետ Լիլյա Դավթյանը:
Ռումինական Գալաց քաղաքում հանդիպմանը մասնակցում էին 4 գործընկեր երկրների՝ Հայաստան, Վրաստան, Մոլդովա, Ռումինիա, ազգային ծրագրերի ներկայացուցիչներ:
Այցի ընթացքում մասնակիցները ծանոթացան Ռումինիայում աղբի կառավարման սկզբունքների կիրառմանը, որոնք համապատասխանում են եվրոպական չափանիշներին, ինչպես նաև առանձնացված աղբահանության ուղղությամբ ունեցած հաջողություններին: Ուսուցողական այցը նաև նախատեսում էր այց բնակավայրերի վարչական մարմիններ և ծանոթացում կոշտ թափոնների կառավարման ընթացակարգերին:
Տիկին Դավթյանը ներկայացրեց ոլորտում առկա իրավիճակը Վանաձոր քաղաքում, ծրագրային գործողությունների ընթացքը, առկա խնդիրները և մարտահրավերները:
