Հարգելի քաղաքացիներ,

Տեղեկացնում ենք, որ 2021 թվականի դեկտեմբերի 16-ի «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» N ՀՕ-397-Ն ՀՀ օրենքի 2-րդ հոդվածի 3-րդ մասի պահանջների համաձայն՝ ինքնակամ կառույցների (կիսակառույց ինքնակամ կառույցների հատվածների) վերաբերյալ տեղեկությունները և փաստաթղթերը հաշվառման նպատակով կառավարության որոշմամբ սահմանված կարգով ներկայացվում են Կադաստրի կոմիտե`

• 2021 թվականի հունվարի 1-ից մինչև սույն օրենքն ուժի մեջ մտնելու պահը կառուցված ինքնակամ կառույցների (կիսակառույց ինքնակամ կառույցների հատվածների) դեպքում` կառավարության որոշումն ուժի մեջ մտնելուց հետո` երկամսյա ժամկետում.
• մինչև 2021 թվականի հունվարի 1-ը քաղաքային բնակավայր ընդգրկող համայնքների վարչական սահմաններում կառուցված ինքնակամ կառույցների (կիսակառույց ինքնակամ կառույցների հատվածների) դեպքում` մինչև 2024 թվականի հունվարի 1-ը։

Հիշեցնենք, որ Գուգարք, Շահումյան և Դարպաս գյուղական բնակավայրերը Վանաձոր համայնքի մաս են կազմում և վերոնշյալ կետերը վերաբերվում են նաև նրանց։