Հունիսի 22-ից 29-ը ֆուտբոլի մարզադպրոցի խաղադաշտում անցկացվեցին «Հուսո գավաթ» ֆուտբոլի բակային մրցումներ: Մրցումներին մասնակցեցին  համատիրությունների  2009-2010թթ ծնված պատանիների թվով 5 թիմ: Մրցումներն անցկացվեց շրջանաձև, երկու խաղաշրջանով:

Առաջին տեղ գրավեց «Խնձորուտ» համատիրության թիմը, երկրորդ տեղ` «Ջուխտ Ախպուր-1»   թիմը, երրորդ տեղ` «Ջուխտ Ախպուր-2»  թիմը:

Պարգևատրման արարողությանը ներկա էին Վանաձորի համայնքապետարանի ֆիզկուլտուրայի, սպորտի և երիտասարդության հարցերի բաժնի պետ Գևորգ Մացակյանը, բաժնի աշխատակիցներ:

Հաղթող և մրցանակակիր թիմերը պարգևատրվեցին  Վանաձորի համայնքապետարանի կողմից սահմանված գավաթներով, մեդալներով և պատվոգրերով, իսկ 5 լավագույն խաղացողները ըստ օղակների՝ պաշտպան, կիսապաշտպան, հարձակվող, ռմբարկու և դարպասապահ  պարգևատրվեցին  հուշանվեր արձանիկներով և պատվոգրերով:

Լավագույն դարպասապահ  ճանաչվեց       Դավիթ Ղազարյանը  («Ջուխտ Ախպուր-2» թիմ),

լավագույն պաշտպան`                                  Վահագ Ամիրխանյանը («Ջուխտ Ախպուր-2» թիմ),

լավագույն  կիսապաշտպան`                        Ալեն Մամուլյանը («Ջուխտ Ախպուր-2» թիմ),

լավագույն  հարձակվող`                                Արամ Պետրոսյանը («Խնձորուտ» թիմ),

լավագույն  ռմբարկու`                                    Արգիշտի  Սաֆարյանը  («Խնձորուտ» թիմ):

Շնորհակալագիր  հանձնվեց  ֆուտբոլի մարզադպրոցի կոլեկտիվին: