Հունիսի 17-ից 25-ը ֆուտբոլի մարզադպրոցի խաղադաշտում անցկացվեց «Հուսո գավաթ» ֆուտբոլի բակային մրցումները։ Այն անցկացվեց Վանաձորի համայնքապետարանի աշխատակազմի սպորտի և երիտասարդության հարցերի բաժնի միջոցառումների պլանի համաձայն, նպատակ ունենալով կազմակերպել դպրոցահասակ երեխաների ակտիվ հանգստը, ձևավորել առողջ ապրելակերպը, զանգվածային դարձնել դեռահասների և պատանիների շրջանում ֆուտբոլ մարզաձևը, ի հայտ բերել և մարզական խմբերում ընդգրկել հեռանկարային մարզիկներին:

Մրցումներին մասնակցեցին համատիրությունների 2012-2013թթ ծնված պատանիների թվով 13 թիմ: Վիճականությամբ թիմերը բաժանվեցին 4 ենթախմբի:

Մրցման արդյունքներով

Առաջին տեղ գրավեց «Հայկաշեն -1» համատիրության թիմը,

երկրորդ տեղ` «Ջուխտ Ախպուր-2» թիմը,

երրորդ տեղ` «Հաղթանակ» թիմը:

Պարգևատրման արարողությանը ներկա էին Վանաձորի համայնքապետարանի աշխատակազմի սպորտի և երիտասարդության հարցերի բաժնի պետ Սասուն Բեգլարյանը և պետի տեղակալ Գևորգ Մացակյանը:

Հաղթող և մրցանակակիր թիմերը պարգևատրվեցին Վանաձորի համայնքապետարանի կողմից սահմանված գավաթներով, մեդալներով և պատվոգրերով, իսկ 5 լավագույն խաղացողները ըստ օղակների՝ պաշտպան, կիսապաշտպան, հարձակվող, ռմբարկու և դարպասապահ, պարգևատրվեցին հուշանվերներով և պատվոգրերով:

Լավագույն հնգյակը կազմեցի՝

լավագույն դարպասապահ՝ Տիգրան Նիկողոսյանը, / «Հայկաշեն -1» թիմ/

լավագույն պաշտպան` Համլետ Քոչարյանը, /«Ջուխտ Ախպուր-2» թիմ/

լավագույն կիսապաշտպան` Արեն Քոչինյանը, /«Հաղթանակ» թիմ/

լավագույն հարձակվող` Արսեն Մկրտչյանը, /«Հայկաշեն -1» թիմ/

լավագույն ռմբարկու` Հեսու Քոչարյանը / /«Ջուխտ Ախպուր-2» թիմ/:

Խաղերն անցկացնելու համար մրցավարներին շնորհակալագրեր հանձնվեցին: