Երեկ՝ մայիսի 17-ին, Գյումրու Վարդան Աճեմյանի եւ Վանաձորի Հովհաննես Աբելյանի անվան դրամատիկական թատրոնները Վանաձորի «Հորովել» երգի-պարի անսամբլի հետ համատեղ Վանաձորի Շառլ Ազնավուրի անվան մշակույթի պալատում հանդես եկան տոնական համերգ-ներկայացմամբ: Լեփ-լեզուն դահլիճ, հարյուրավոր հանդիսատես՝ Վանաձորից, Գյումրիից և մայրաքաղաքից, անգամ ԱՊՀ երկրներից: Համերգ-ներկայացման պրոդյուրսերն է Տիգրան Վիրաբյանը: Բարձր տրամադրությամբ ու մշակութային գեղեցիկ արժեքներով համադրված համերգ-ներկայացումը կարելի է պնդել, որ կայացավ: Դահլիճում էին նաև Լոռու մարզպետ Արթուր Նալբանդյանը, Վանաձորի քաղաքապետ Սամվել Դարբինյանը, հոգևոր հայրեր, մշակութային գործիչներ: Համերգ-ներկայացումը կշարունակվի նաև Գյումրիում և ԼՂՀ-ում: Շուրջ երկու ժամից տևած համերգ-ներկայացումը ավարտվեց ուռն ծափերի ներքո:
Վանաձորի քաղաքապետարան:
