Մեկ տարի առաջ սեպտեմբերի 27-ին թշնամին հարձակվեց Արցախի Հանրապետության վրա: Լայնածավալ պատերազմում հայորդիներն անօրինակ սխրանքների գնով երաշխավորեցին մեր այսօրվա խաղաղությունը: Այսօր՝ մեկ տարի անց, մեր հազարավոր սուրբ նահատակների հիշատակի օրն է: Ի հիշատակ վանաձորցի զոհերի՝ Սուրբ Մարիամ Աստվածածին եկեղեցուց մեկնարկեց երթ դեպի 44-օրյա պատերազմի հերոսների պանթեոն: Սգո երթին մասնակցում էին Վանաձոր համայնքի ղեկավար Մամիկոն Ասլանյանը, Վանաձոր համայնքի ավագանու անդամներ, զինվորականներ, ուժային այլ կառույցների և հոգևոր դասի ներկայացուցիչներ, հազարավոր վանաձորցիներ: Քայլերթն ավարտվեց պանթեոնում, որտեղ, ի հիշատակ մեր նահատակ հերոսների, կատարվեց հոգեհանգստի կարգ` ձեռամբ Գուգարաց թեմի առաջնորդ՝ գերաշնորհ տեր Հովնան եպիսկոպոս Հակոբյանի, ապա ծաղիկներ խոնարհվեցին զոհերի շիրիմների առջև: Հանգչեք խախաղությամբ, Հայրենիքի նվիրյալ պաշտպաններ…
