Դեկտեմբերի 18-ին, ՀՀ սպորտի և երիտասարդության հարցերի նախարարության դահլիճում նախարարի տեղակալ Խաչիկ Ասրյանը դրամական պարգևներ և մրցանակներ է հանձնել ՀՀ Նախագահի մրցանակի համար «Լավագույն մարզական բակ», «Լավագույն գյուղական մարզական համայնք», «Լավագույն քաղաքային մարզական համայնք»հանրապետական ստուգատեսների և ՀՀ մարզերում ու ԼՂՀ-ում անցկացված մարզական փառատոնի 2015 թվականի հաղթողներին և մրցանակակիրներին:
ՀՀ սպորտի և երիտասարդության հարցերի նախարարի տեղակալ Խաչիկ Ասրյանը ողջունել է ներկաներին՝ շնորհակալություն հայտնելով միջոցառմանը ներկա գտնվելու համար և նշել, որ 12 տարի անընդմեջ անցկացվող հանրապետական ստուգատեսներին մասնակցելու հայտ են ներկայացրել ՀՀ բոլոր մարզերը և Երևան քաղաքը:
Խաչիկ Ասրյանը ներկայացրել է նաև ամփոփ տեղեկատվություն ընթացիկ տարում նախարարության կազմակերպած ու անցկացրած մասսայական մարզական միջոցառումների, ինչպես նաև մասսայական սպորտի, ֆիզիկական դաստիարակության և առողջ ապրելակերպի բնագավառում կատարած աշխատանքների վերաբերյալ:
ՀՀ Նախագահի մրցանակով պարգևատրվել են՝
«Լավագույն քաղաքային մարզական համայնք»
1-ին տեղի մրցանակ` Կոտայքի մարզ, ք. Աբովյան,
2-րդ տեղի մրցանակ` Լոռու մարզ, ք. Ալավերդի,
3-րդ տեղի մրցանակ` Տավուշի մարզ, ք. Դիլիջան,
«Լավագույն գյուղական մարզական համայնք»
1-ին տեղի մրցանակ` Շիրակի մարզ, գ. Ախուրյան,
2-րդ տեղի մրցանակ` Արմավիրի մարզ, գ. Փարաքար,
3-րդ տեղի մրցանակ` Վայոց ձորի մարզ, գ. Մալիշկա,
«Լավագույն մարզական բակ»
1-ին տեղի մրցանակ` Երևան քաղաքի Էրեբունի վարչական շրջանի Խաղաղ Դոնի փողոցի 23-րդ շենքի հարակից մարզական բակ
2-րդ տեղի մրցանակ` Լոռու մարզի Ախթալա քաղաքի «Բարիտ» թաղամասի մարզական բակ
3-րդ տեղի մրցանակ` Արագածոտնի մարզ Ապարան քաղաքի Գարեգին Նժդեհի փողոցի մարզական բակ
Միջոցառման շրջանակներում 2015 թվականին ՀՀ մարզերում և ԼՂՀ–ում անցկացված մարզական փառատոնում մրցանակային տեղեր գրաված համայնքները պարգևատրվել են ՀՀ սպորտի և երիտասարդության հարցերի նախարարության համապատասխան կարգի հավաստագրերով և գավաթներով: 2015 թվականի լավագույն համայնք է ճանաչել Լոռու մարզի Վանաձոր քաղաքային համայնքը, 2-րդ տեղը գրավել է Գեղարքունիքի մարզի Վարդենիս քաղաքային համայնքը և 3-րդ տեղը՝ Շիրակի մարզի Ամասիա գյուղական համայնքը: Նախարարության շնորհակալագրերով պարգևատվել են նաև փառատոնը լավագույն ձևով կազմակերպած Կոտայքի մարզի Չարենցավան, Վայոց ձորի մարզի Եղեգնաձոր և Շիրակի մարզի Արթիկ քաղաքային համայնքները:
ՀՀ սպորտի և երիտասարդության հարցերի նախարարություն
