Վանաձորի Սուրբ Մարիամ Աստվածածին եկեղեցու բակում գտնվող «Նահատակաց» պուրակում տեղակայված, 1988 թվականի երկրաշարժի զոհերի հիշատակին նվիրված խաչքարի մոտ տեղի ունեցավ հոգեհանգստի կարգ՝ ձեռամբ Գուգարաց թեմի առաջնորդ Տեր Հովնան եպիսկոպոս Հակոբյանի: Հոգեհանգստի կարգին ներկա էին և անմեղ զոհերի հիշատակին իրենց հարգանքի տուրքը մատուցեցին ՀՀ տարածքային կառավարման և ենթակառուցվածքների նախարար Գնել Սանոսյանը, Լոռու մարզպետ Արամ Խաչատրյանը, Վանաձոր համայնքի ղեկավարի պաշտոնակատար Վանիկ Օհանյանը, մարզային և քաղաքային իշխանությունների, տարբեր ուսումնական հաստատությունների ու կազմակերպությունների ներկայացուցիչներ, ինչպես նաև բազմաթիվ վանաձորցիներ: Հոգեհանգստի կարգից հետո մասնակիցները ծաղիկներ և ծաղկեպսակներ խոնարհվեցին խաչքար-հուշարձանին: