Այսօր՝ ապրիլի վերջին շաբաթ օրը, նշվում է որպես Քաղաքացու օր:

Քաղաքացու օրը քաղաքացիական երկխոսության օր է, երբ տարբեր սերունդներ միատեղվում են՝ հանրությանը հուզող հարցերը քննարկելու, քաղաքացիների և պետության անելիքները վերհանելու և կանխորոշելու համար։

Այսօր Հանրապետության տարբեր համայնքներում՝ թվով 66 համայնում, կազմակերպվել են միջոցառումներ, մասնովորապես երկու մասից բաղկացած՝ բանախոսություն և մշակութային միջոցառում։

Վանաձորում 15-18 տարեկան 30 աշակերտ՝ Վանաձորի թիվ 5 և թիվ 11 ավագ դպրոցի աշակերտներ, ՎՊՀ-ի հենակետային վարժարանի «Բանավեճի խումբը»Ստեփան Զորյանի տուն-թանգարանում հանդիպեցին պրոֆեսիոնալ բռնցքամարտիկ, նախկին WBA, WBC և IBF վարկածներով աշխարհի չեմպիոն Վիկ Դարչինյանի հետ։

Միջոցառմանը ներկա էր Վանաձոր համայնքի ղեկավարի պաշտոնակատար Արկադի Փելեշյանը։ Նա շնորհավորեց միջոցառման մասնակիցներին Քաղաքացու օրվա առթիվ և խաղաղություն բարեմաղթեց։

Հանդիպման մասնակիցները լսեցին աշխարհահռչակ մարզիկի հաջողության պատմությունը, հարցեր ուղղեցին չեմպիոնին։

Միջոցառման մշակութային մասին ներկայացվեց համերգային ծրագիր։