Այսօր Վանաձորի Էդ․ Կզարթմյանի անվան երաժշտական դպրոցում տեղի ունեցավ Շառլ Ազնավուրի 100-ամյանկին նվիրված համերգ-միջոցառում։

Համերգ-միջոցառումը կազմակերպվել էր Վանաձորի թիվ 1 դպրոցի տնօրեն Աննա Զուլոյանի նախաձեռնությամբ և Վանաձորի մշակույթի, կրթության և տուրիզմի հարցերի բաժնի աջակցությամբ։

Համերգին ելույթ են ունեցել Վանաձորի կամերային երգչախումբը, Վանաձորի Կոմիտասի անվան արվեստի դպրոցի, Էդ․ Կզարթմյանի անվան երաժշտական դպրոցի, Մ․ Թավրիզյանի անվան արվեստի քոլեջի, Վանաձորի թիվ 1 հիմնական և թիվ 11 ավագ դպրոցների սաները։

Միջոցառմանը ներկա են գտնվել Վանաձորի համայնքապետարանի աշխատակազմի մշակույթի, կրթության և տուրիզմի հարցերի բաժնի պետ Քրիստինե Մադոյանը, հանրային կապերի, լրատվության բաժնի պետի ժամանակավոր պաշտոնակատար Գեղանի Հակոբյանը։

Համերգին հնչել են աշխարհահռչակ շանսոնյեի երգացանկի ամենահայտնի ու սիրված երգերը։