2016թ. մարտի 5-11-ը Վանաձորի Ալբերտ Ազարյանի անվան <<Կենտրոն>> համալիր մարզադպրոցի խաղադահլիճում անց է կացվել Վանաձոր քաղաքի պատանիների ֆուտզալի գավաթի խաղարկություն՝ 9 թիմերի միջև, որոնք վիճականահանությամբ բաժանվել են 2 ենթախմբի և մրցել շրջանաձև սկզբունքով: Յուրաքանչյուր ենթախմբի առաջին և երկրորդ տեղ գրաված թիմերը  պայքարել են իրար միջև խաչաձևման սկզբունքով,  պարտվողները պայքարել են 3-4 տեղերի համար,  հաղթողները` 1-2 տեղերի համար:

Ֆուտզալի գավաթի խաղարկությունում առաջին տեղ է գրավել թիվ <<ՖԴ-1>> թիմը,  2-րդ տեղ` <<ՖԴ-2>>  թիմը /թիվ 13 ավագ դպրոց /,  3-րդ տեղ` <<Ուրարտու>>  թիմը:

Հաղթող և մրցանակակիր թիմերը պարգևատրվել են Վանաձորի քաղաքապետարանի կողմից սահմանված գավաթներով, մեդալներով և պատվոգրերով, իսկ 5 լավագույն խաղացողները ըստ օղակների՝ պաշտպան, կիսապաշտպան, հարձակվող, ռմբարկու և դարպասապահ, պարգևատրվել են հուշանվեր արձանիկներով և պատվոգրերով:

լավագույն դարպասապահ `             Արեն Դոխոյան /<<ՖԴ-2>> թիմ/

լավագույն պաշտպան `                    Կարո Սահակյան /<<Թիվ 23-1դպրոց>>  թիմ/

լավագույն  կիսապաշտպան `           Սոս Հարությունյան /<<ՖԴ-1>> թիմ/

լավագույն  հարձակվող`                   Դավիթ Մոսոյան /<<Ուրարտու>> թիմ/

լավագույն  ռմբարկու`                      Մենուա Մովսիսյան /<<ՖԴ-1>> թիմ/

Շնորհակալագրեր են հանձնվել մրցավարներին, ոստիկանության աշխատակիցներին և Ալբերտ Ազարյանի անվան <<Կենտրոն>> համալիր մարզադպրոցի աշխատակազմին: