Վանաձորը 2025թ․-ի Համահայկական ձմեռային 2-րդ խաղերին հաջողություններ է գրանցել դահուկավազքի դասական ոճ փոխանցումավազքի, սնոուբորդի մրցումներում և «Բարեկամության կամուրջ» սպորտային-պարահանդեսային պարերի միջազգային բաց առաջնությանը։
Արկադի Փելեշյանը շնորհավորեց մարզիկներին և հույս հայտնեց, որ նրանց հետագա հաջողություններին հետևելու ենք արդեն միջազգային մրցահարթակներում։Համայնքի ղեկավարը շնորհակալություն հայտնեց մարզիչներին հետրողական և արդյունավետ աշխատանքի համար։
Մարզիչները ևս շնորհակալություն հայտնեցին պատվիրակության աշխատանքների կազմակերպվածության, մարզիկների հանդեպ ուշադրության համար։
Խաղերի մրցանակակիրները համայնքի ղեկավարից շնորհավորագրեր ստացան։Արկադի Փելեշյանը շնորհավորագրեր հանձնեց նաև մարզիչներ Հարություն Ավետիսյանին, Նվեր Աղաջանյանին, Տաթև Գալստյանին, Խորեն Աղաջանյանին և Վանաձորի ձմեռային մարզաձևերի մասնագիտացված մանկապատանեկան մարզադպրոց ՀՈԱԿ-ի տնօրեն Արթուր Երիցյանին։
