Ո Ր Ո Շ ՈՒ Մ
21 հունիսի 2019 թվականի N  82

2010 ԹՎԱԿԱՆԻ ՀՈԿՏԵՄԲԵՐԻ 28-Ի «ՈՉ ԲՆԱԿԵԼԻ ՏԱՐԱԾՔԻ ՎԱՐՁԱԿԱԼՈՒԹՅԱՆ» ԹԻՎ 557 ՊԱՅՄԱՆԱԳԻՐԸ ԼՈՒԾԵԼՈՒ, ՎԱՆԱՁՈՐԻ ՀԱՄԱՅՆՔԻ ԱՎԱԳԱՆՈՒ 2010 ԹՎԱԿԱՆԻ ՍԵՊՏԵՄԲԵՐԻ 23-Ի ԹԻՎ 68 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ «ՕՐԻՆԱՑ ԵՐԿԻՐ» ԿՈՒՍԱԿՑՈՒԹՅԱՆ «ՎԱՆԱՁՈՐ» ՄԱՐԶԱՅԻՆ ԿԱԶՄԱԿԵՐՊՈՒԹՅԱՆԸ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔ ՀԱՆՁՆԵԼՈՒ ՄԱՍԻՆ

Հիմք ընդունելով Կարեն Դավթյանի 11 հունիսի 2019 թվականի թիվ 067/3365 դիմումը, «Օրինաց երկիր» կուսակցության գլխավոր քարտուղար Վ.Բոլորչյանի կողմից 11 հունիսի 2019 թվականին տրված լիազորագիրը, Վանաձոր համայնքի անվամբ անշարժ գույքի սեփականության (օգտագործման) իրավունքի գրանցման թիվ 1451989 վկայականը, ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով, ՀՀ քաղաքացիական օրենսգրքի 466-րդ հոդվածի 1-ին մասով, 685-687-րդ հոդվածներով և «Նորմատիվ իրավական ակտերի մասին» ՀՀ օրենքի 37-րդ հոդվածով` Վանաձոր համայնքի ավագանին որոշում է.

1.Վարդանանց փողոցի թիվ 47 շենքի առաջին հարկի 92.95քմ մակերեսով տարածքը, 5 (հինգ) տարի ժամկետով, անհատույց օգտագործման իրավունքով հանձնել «Օրինաց երկիր» կուսակցության «Վանաձոր» մարզային կազմակերպությանը՝ որպես Վանաձոր համայնքի ավագանու «Հայկական վերածնունդ» խմբակցության աշխատանքային գրասենյակ:

2.Լուծել 2010 թվականի հոկտեմբերի 28-ին կնքված «Ոչ բնակելի տարածքի վարձակալության» թիվ 557 պայմանագիրը:

3.Ուժը կորցրած ճանաչել Վանաձոր համայնքի ավագանու 2010 թվականի սեպտեմբերի 23-ի ««Օրինաց երկիր» կուսակցության «Վանաձոր» մարզային կազմակերպությանը տարածք հանձնելու մասին» թիվ 68 որոշումը:

4.Վանաձոր համայնքի ղեկավարին` ՀՀ անշարժ գույքի կադաստրի կոմիտեի Լոռու մարզային ստորաբաժանման կողմից ոչ բնակելի տարածքի վարձակալության պայմանագիրը դադարեցնելուց հետո «Օրինաց երկիր» կուսակցության «Վանաձոր» մարզային կազմակերպության հետ կնքել ոչ բնակելի տարածքի անհատույց օգտագործման պայմանագիր:

ՀԱՄԱՅՆՔԻ ՂԵԿԱՎԱՐ`  ՄԱՄԻԿՈՆ ԱՍԼԱՆՅԱՆ