Այսօր՝ հունիսի 24-ին, Վանաձոր համայնքի ղեկավարի պաշտոնակատար Արկադի Փելեշյանն անցկացրեց հերթական աշխատանքային խորհրդակցությունը։

Շաբաթվա սկզբին ոլորտների պատասխանատու պաշտոնյաների և բաժինների պետերի հետ քննարկվեցին ընթացիկ աշխատանքներն ու պլանավորվեցին տարեկան ծրագրով նախատեսված այլ աշխատանքների մեկնարկները։

Ընթացիկ շաբաթվա մեջ կհայտարարվի համայնքի փողոցների փոսային նորոգման մրցույթը։

Կմեկնարկի սուբվենցիոն ծրագրով Դարպաս բնակավայրի թվով 5 փողոցի հիմնանորոգման համար մրցույթը։

Արկադի Փելեշյանի հանձնարարությամբ կազմվել և արդեն գնումների պլանում է ներառվել Շառլ Ազնավուրի անվան մշակույթի պալատի հիմնանորոգման նախագիծը՝ 160 մլն դրամ արժողությամբ։ Վանաձորի ամենախոշոր մշակութային կենտրոններից մեկը կհիմնանորոգվի համայնքի միջոցներով։

Համայնքի ղեկավարի պաշտոնակատարը հանձնարարեց ներկայացնել թվով 3 բազմաբնակարան շենքի տանիքների նորոգման նախագծերը, որոնցից 2-ը Տարոն 1 թաղամասում են, մեկը՝ գլխավոր պողոտայում։