Այսօր՝ ապրիլի 11-ին Վանաձոր համայնքի ղեկավարի պաշտոնակատար Արկադի Փելեշյանը աշխատանքային խորհրդակցություն է անցկացրել Կարլոս Աբովյանի անվան կերպարվեստի թանգարանի ներկայացուցիչների մասնակցությամբ։

Այս տարի հունիսի 8-ին նշվելու Վանաձորի կերպարվեստի թանգարանի հիմնադրման 50-ամյակը: Աշխատանքային խորհրդակցությանը համայնքի ղեկավարի պաշտոնակատարի հետ քննարկվել են Թանգարանի 50-ամյակին նվիրված միջոցառումները։

Համայնքը միջոցներ է տրամադրել հատուկ Թանգարանի կեսդարյան հոբելյանը մշակութային նոր ու հագեցած ծրագրով անցկացնելու համար։

Նախատաեսվում են մի շարք միջոցառումներ, մասնավորապես՝

Հունիսի 8-ին կբացվի թանգարանի նոր մշտական ցուցադրությունը (համադրող՝ Վիգեն Գալստյան)։ Այն կուղեկցվի Վանաձորի կամերային նվագախմբի համերչգային ծրագրով ու երաժշտական կատարումներով:

Կտպագրվի նոր պատկերագիրք:

Հոբելյանական օրը Սերգեյ Փարաջանովի թանգարանի հետ համագործակցությամբ կբացվի Փարաջանովի ստեղծագործությունների ցուցահանդեսը։ Վանաձոր կբերվեն Փարաջանովի աշխատանքներից մի քանիսը։

Արկադի Փելեշյանը հանձնարարել է ջանք չխնայել միջոցառումները բարձր մակարդակով անցկացնելու և վանաձորցիներին ու Վանաձորի հյուրերին իսկական մշակութային տոն պարգևելու համար։

Թանագարանի տնօրինության հետ պայմանավորվածություն ձեռքբերվեց աշխատանքային քննարկումներ անցկացնել հենց թանգարանում և անմիջականորեն հետևել աշխատանքներին։