Հարգելի՛ բուժաշխատողներ,
Խորին երախտագիտությամբ շնորհավորում եմ ձեզ Բուժաշխատողի օրվա առթիվ։
Բուժաշխատողի մասնագիտական աշխատանքը եզակի է, որը բոլոր ժամանակներում եղել է հասարակության կողմից ամենագնահատվածն ու պահանջվածը։ Կյանքի ամենադժվարին իրավիճակներում յուրաքանչյուրդ ձեր աշխատանքով օգնում եք հաղթահարել հիվանդությունները, ձեր հոգատարությամբ ու մասնագիտական աջակցությամբ վերադարձնում եք բնականոն կյանքի։
Վերջին տարիներին մեզ բաժին հասած ամենադժվար պահերին՝ թագավարակի ու պատերազմի օրերին, կյանքեր փրկելու և առողջությունը վերականգնելու ձեր անմնացորդ նվիրումն ու արհեստավարժությունը զգացել ենք յուրաքանչյուրս։
Շնորհավորում եմ և մաղթում քաջառողջություն, անսպառ եռանդ և մասնագիտական զարգացման լայն հնարավորություններ՝ ծառայելու պետությանն ու հոգ տանելու մեր ժողովրդին։
