«Սիրելի՛ թատերական գործիչներ, թատերական արվեստի նվիրյալներ,
Ի սրտե շնորհավորում եմ ձեզ Թատրոնի միջազգային օրվա առթիվ։
Թատրոնը բազմաշերտ երևույթ է․ այն և արվեստ է, և վայր, որտեղ ցուցադրվում է այդ արվեստը։ Թատրոնը արտացոլում է ժամանակի հոգին։ Այնտեղ միահյուսվում են մարդկային երազանքները, ձգտումներն ու վարպետությունը:
Վանաձորյան թատրոնները ավանդույթներ ունեցող, ձևավորված կենտրոններ են, յուրահատուկ ձեռագիր ունեցող վարպետներով՝ դերասաններ, ռեժիսորներ։ Նրանց տաղանդը հավատարմորեն ծառայում է մեր հասարակության և անջնջելի հետք է թողել հայ թատերարվեստի պատմության մեջ։
Թատերական արվեստի սիրելի գործիչներ,
Ի սրտե մաղթում եմ ձեզ, բազմաթիվ ներկայացումներ, ստեղծագործական ներշնչանք և միշտ լեցուն դահլիճներ»։
