Այսօր Վանաձոր համայնքի ղեկավարի պաշտոնակատար Արկադի Փելեշյանն ընդունել է ԽՍՀՄ սպորտի վարպետ, ԽՍՀՄ և ՀՀ վաստակավոր մարզիչ, մրցավար, «Լոռվա ասպետ» Հակոբ Գենջյանին։

Արկադի Փելեշյնաը շնորհավորել է վաստակավոր մարզչին 80-ամյակի առթիվ և շնորհավորագիր է հանձնել նրան, որում մասնավորապես ասված է․

«Վանաձոր համայնքի, նրա ավագանու և անձամբ իմ անունից շնորհավորում եմ Ձեզ՝ ծննդյան 80-ամյակի առթիվ:

Դուք Ձեր ամբողջ գիտակցական կյանքը անմնացորդ նվիրել եք մեր երկրի, մեր քաղաքի ազատ ըմբշամարտ մարզաձևի

զարգացման, մատաղ սերնդի դաստիարակման շնորհակալ գործին:

Դուք այդ երկար ու ձիգ տարիների ընթացքում Ձեր ուսերին պատվախնդրությամբ տարել եք իսկական մարզչի բարձր

կոչումն ու սերունդներ մարզելու ճանապարհը: Սպորտի ոլորտում ձեր սաների գրանցած հաջողություններն

աննախադեպ են: Ձեր ապրած, արարած տարիները յուրօրինակ դաս են սերունդների համար:

Կրկին շնորհավորելով 80-ամյա հոբելյանի առթիվ՝ մաղթում եմ Ձեզ քաջառողջություն, երկարակեցություն և

երջանիկ օրեր»։

Հակոբ Գենջյանը դաստիարակել է ըմբշամարտիկների մի քանի սերունդ։ Նրա եղել է ազատ ըմբիշ, ԽՍՀՄ չեմպիոն, Եվրոպայի չեմպիոն, աշխարհի եռակի գավաթակիր, օլիմպիական խաղերի արծաթե մեդալակիր, ԽՍՀՄ սպորտի վաստակավոր վարպետ Ստեփան Սարգսյանի մարզիչը։