Այսօր Վանաձոր համայնքի ղեկավարի պաշտոնակատար Արկադի Փելեշյանը ընդունել է հայկական դյուցազնագրքի ռեկորդակիր Դավիթ Ոսկանյանին։

Օրերս Դավիթ Ոսկանյանն հայկական «Դյուցազնագիրքում» նոր ռեկորդ է ավելացրել։ Արկադի Փելեշյանը հրավիրել է վանաձորցի դյուցազնին՝ շնորհավորելու սահմանած նոր ռեկորդի համար։

Երևանի մետրոպոլիտենի հավաքակայանում Դավիթ Ոսկանյանը բութ դանակը կոկորդին դրաձ քաշել է 33 և 34 տոննա քաշով մետրոյի վագոնները, դրանք տեղաշարժելով 5,2մ երկարությամբ։

Ավելի վաղ նույն հնարքը սուր դանակը կոկորդին դրած 10 մետր երկարությամբ քաշել է 34 տ զանգվածով վագոն։

Սա դյուցազնի արդեն 4 ռեկորդն է։ Նա պատրաստվում է դիմել Գինեսի գրքում ռեկորդը գրանցելու համար։

Արկադի Փելեշյանը շնորհավորել և շնորգավորագիր է հանձնել ռեկորդակրին։

Համայանք ղեկավարի պաշտոնակատարը հետաքրքրվել է Դավիթի գործունեության մասին, քննարկել համայնքում համագործակցելու առաջարկներ։

Դավիթ Ոսկանյանը աշխատում է մի քանի ոլորտներում, գիտաշխատող է զինագործության բնագավառում, Երևանի պետական կրկեսի արտիստ է, յոգ, նկարիչ, ինժեներ-կոնստրուկտոր։