Մայիսի 17-ին Վանաձորի Հովհաննես Աբելյանի անվան պետական դրամատիկական թատրոնում նշվեց ՀՀ արվեստի վաստակավոր գործիչ Արամայիս Սարգսյանի 77-ամյակը։
Բացի թատրոնը Արամայիս Սարգսյանը նկարահանվել է նաև բազմաթիվ ֆիլմերում և «Յաշան ու Բրեժնևը» ֆիլմում տղամարդու լավագույն դերակատարման համար արժանացել է հայկական կինոյի Օսկարի՝ «Անահիտ» մրցանակին:
«Մի ֆունդ սիրտ» ներկայացումը բեմադրվել է 2020թ-ին, ցուցադրվել է «Արմմոնո» միջազգային փառատոնի շրջանակում,ինչպես նաև Վանաձորի համայնքապետարանի աջակցությամբ մասնակցել է Մոսկվայում անցած տարի կայացած «Սոլո» միջազգային փառատոնին:
Միջոցառմանը ներկա էին Վանաձորի համայնքապետի խորհրդական Արման Բերնեցյանը,Կրթության,մշակույթի և տուրիզմի հարցերի բաժնի առաջատար մասնագետ Լուսինե Մամյանը, Լոռու մարզպետի աշխատակազմի պաշտոնյաններ,թատերասերներ:
Արման Բերնեցյանը Վանաձոր համայնքի ղեկավարի պաշտոնակատար Արկադի Փելեշյանի անունից շնորհավորեց արվեստի վաստակավոր գործչին:
«Դուք արժանիորեն վաստակել եք մեր հանդիսատեսի սերն ու համակրանքը: Մաղթում եմ Ձեզ առողջություն և նորանոր հաջողություններ»,- նշել է իր խոսքում Արման Բերնեցյա
