Հոկտեմբերի 5-ին Լոռու մարզ էր ժամանել Վրաստանի Աջարիայի Ինքնավար Հանրապետության կառավարության ղեկավար Արչիլ Խաբաձեի գլխավորած պատվիրակությունը: Պատվիրակության կազմում էին Աջարիայի առողջապահության և սոցիալական հարցերի նախարար Գեորգի Թավամաշվիլին, Բաթումի քաղաքապետ Գեորգի Երմակովը, Աջարիայի կառավարության արարողակարգի դեպարտամենտի ղեկավար Իրակլի Բերիձեն, Աջարիայի հայ համայնքի ղեկավար Գրիգորի Վարդանյանը և համայնքի «Աղբյուր» թերթի խմբագիր Արթուր Հովհաննիսյանը: Պատվիրակությանը նախ հյուրընկալեց Լոռու մարզպետ Արթուր Նալբանդյանը, այնուհետ՝ Վանաձորի քաղաքապետ Սամվել Դարբինյանը: