Մարտի 16-ին Գյումրու համայնքապետարանի նիստերի դահլիճում տեղի ունեցավ Վանաձորի, Գյումրու և Լեհաստանի Պիլա համայնքների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ, ABC.GoV: Alliance for Better City Governance) ծրագրի Ղեկավար կոմիտեի երկրորդ նիստը:

Ղեկավար կոմիտեն Ծրագրի հիմնական որոշում կայացնող մարմինն է:

Ղեկավար կոմիտեի անդամներն են Հայաստանում ԵՄ պատվիրակության ներկայացուցիչը, Վանաձորի, Գյումրու և Պիլայի համամայնքների ղեկավարները, ՀՀ Տարածքային կառավարման և ենթակառուցվածքների նախարարության, ՀՀ Շրջակա միջավայրի նախարարության, ՀՀ Կադաստրի կոմիտեի, ՀՀ Քաղաքաշինության կոմիտեի, Հայաստանի համայնքների միության, Լոռու և Շիրակի մարզպետարանների, Վանաձորի և Գյումրու համայնքների ավագանու անդամներ, ինչպես նաև ՔՀԿ-ների ներկայացուցիչներ:

Ղեկավար կոմիտեի երկրորդ նիստի օրակարգում ներառված էին նախորդ տարվա Ծրագրի գործունեության արդյունքների ամփոփման և առաջիկա տարվա աշխատանքային պլանի հաստատման հարցերը։

Նիստի բացմանը ողջույնի խոսքով հանդես եկան Գյումրու համայնքապետ Վ․ Սամսոնյանը և Պիլայի քաղաքապետ Պ․ Գլովսկին։

Նիստի մասնակիցները հաստատեցին օրակարգը, Ծրագրի տարեկան գործունեության արդյունքները հանգամանորեն ներկայացրեց Ծրագրի ղեկավար Ն․ Լափաուրին, այնուհետև քննարկվեց և հաստատվեց Ծրագրի առաջիկա տավա աշխատանքային պլանը։

Ղեկավար կոմիտեի անդամները քնարկեցին նաև Ծրագրի իրականացման ընթացքում առաջացած խնդիրները։ Նիստին առցանց մասնակցում էին նաև Պիլայի գործընկերները։

Օրակարգի բոլոր հարցերը միաձայն հաստատվեցին։