Ներկաներին ողջունեց համայնքի ղեկավարի խորհրդական Արման Բերնեցյանը։ Նա կարևորեց մանկավարժների արտադասարանային աշխատանքը երեխաների սոցիալացանացման ու զարգացման գործում։ Համայնքի ղեկավարի պաշտոնակատար Արկադի Փելեշյանի անունից շնորհավորեց երեխաների պատշաճ մասնակցությունն ապահովելու և համագործակցության համար։

Փառատոնը հիմնադրել է և շարունակում է կազմակերպել Վանաձոր համայնքի խնամակալության և հոգաբարձության հանձնաժողովի քարտուղար Լեռնուհի Գևորգյանը։

Փառատոններն անցկացվում են Վանաձոր համայնքի խնամակալության և հոգաբարձության հանձնաժողովի հանձնառությունների շրջանակում․ կրթական հաստատություններում միջոցառումների անցկացման միջոցով աշխատանքներ են կատարում երեխաների իրավունքների և շահերի ոտնահարումը կանխարգելելու, անչափահասների շրջանում իրավախախտումները, հակահասարակական վարքի դրսևորումները կանխարգելելու և երեխաների սոցիալականացման նպատակով։

Փառատոնի մասնակից դպրոցները և ժյուրիի կազմը շնորհակալագրեր ստացան լավագույն մասնակցության և անաչառ գնահատելու համար