Վանաձորի քաղաքապետարանն ամփոփել է 2013 թվականին քաղաքապետի մոտ քաղաքացիների ընդունելության տվյալները: Հիշեցնենք, որ Վանաձորի քաղաքապետի մոտ ընդունելության համար քաղաքացիները կարող են նախապես հերթագրվել ըստ գործող կարգի, իսկ ընդունելություններն իրականացվում են ամեն ամսվա առաջին և երրորդ չորեքշաբթի օրերին: Քաղաքապետարանի բաժնի պետերի կողմից քաղաքացիների ընդունելությունն իրականացվում է յուրաքանչյուր շաբաթվա երեքշաբթի, հինգշաբթի և ուրբաթ օրերին: Ընդ որում, քաղաքապետրանի բաժնի վարիչների մոտ ընդունելության համար քաղաքացիների նախնական հերթագրում չի իրականացվում:

Համաձայն ամփոփ տվյալների , 2013 թվականին Վանաձորի քաղաքապետ Սամվել Դարբինյանի մոտ հերթագրվել և ընդունվել են 315 քաղաքացի:

Ըստ եռամսյակների քաղաքապետի մոտ ընդունելության եկած քաղաքացիների քանակական տվյալներն ունեն հետևյալ տեսքը.

1-ին եռամսյակ – 71 քաղաքացի

2-րդ եռամսյակ – 94 քաղաքացի

3-րդ եռամսյակ – 80 քաղաքացի

4-րդ եռամսյակ – 70 քէաղաքացի

Ընդամենը՝ 315 քաղաքացի