Հոգեհանգստյան կարգը կատարեց Գուգարաց թեմի հոգևոր դասի քահանա Տեր Օհան ավագ քահանա Լուսարարյանը: Արարողությանը ներկա էին Վանաձոր համայնքի ղեկավարի պաշտոնակատար Արկադի Փելեշյանը, Լոռու մարզպետի տեղակալ Հովհաննես Ավետիսյանը, համայնքապետարանի և մարզպետարանի պաշտոնյաներ, ավագանու անդամներ, համայնքապատկան հաստատությունների, ուժային կառույցների ներկայացուցիչներ, քաղաքացիներ: Ներկաները ծաղիկներ և ծաղկեպսակներ խոնարհեցին երկրաշարժի անմեղ զոհերի հիշատակը հավերժացնող խաչքարի մոտ: