Այսօր՝ մարտի 22-ին, Վանաձոր համայնքի ղեկավարի պաշտոնակատար Արկադի Փելեշյանը ընդունեց 2024թ․ ֆուդոկան կարատեի աշխարհի գավաթի բաց առաջնությունում հաղթող և մրցանակակիր կարատեիստներին և նրանց մարզիչներին՝ Սուրեն Օչինյանին, Վահան Դաղբաշյանին, Մկրտիչ Հովհաննիսյանին։

2024թ․ ֆուդոկան կարատեի աշխարհի գավաթի բաց առաջնությունը տեղի է ունեցել մարտի 8-11-ը ՌԴ Իվանովո քաղաքում։

Վանաձորից մրցաշարին մասնակցել է 18 մարզիկ, որոնցից 8-ը դարձել են հաղթող, 12-ը՝ մրցանակակիր։

Մրցանակակիր մարզիկների Էրիկ Հովսեփյանը հանդես է եկել նաև որպես մրցավար։

Արկադի Փելեշյանը շնորհավորեց մարզիկներին հաջողություններ մաղթեց սպորտում և ուսման մեջ, ինչպես նաև շնորհակալագրեր հանձնեց նրանց։ Շնորհակալագրեր ստացան նաև մարզիչները՝ բարձր արդյունք ցուցաբերած մարզիկ դաստիարակելու համար։