Վանաձորի համայնքապետրանը, համաձայն քաղաքապետի կողմից ստեղծված օպերատիվ շտաբի նախաձեռնության, ՛՛Մաքուր Հայաստան՛՛ ծրագրով շաբաթօրյակի աշխատանքները սկսել է ուրբաթ օրը՝ այսօր: Ճիշտ որոշում է, քանի որ աղբավայրերի ծավալները այնպիսի չափերի են , որ մեկ աշխատանքային օրը կարող է բավարար չլինել բոլոր աղբավայրերը վերացնելու համար:
Ի պատիվ համայնքապետարանի և աջակից կազմակերպությունների՝ այսօր շուրջ 3 ժամվա ընթացքում հնարավոր դարձավ վերացնել Վանաձորի Բազում թաղամասի Չերկասի 7 հասցեի բազմաբնակարան շենքերի բակում շուրջ 20 տարի ձևավորված և կուտակված աղբավայրը:
Երևակայել անգամ հնարավոր չէր, թե ինչ ոգևորություն էր բնակիչների մոտ, տեսնելով, որ ժամերի ընթացքում մաքրվում են երկու տասնյակ տարիների ՛՛Ավգյան ախոռները՛՛: Համայնքապետարանի ներկայացուցիչները տեղում, կամավորության սկզբունքով, ընտրեցին արդեն մաքրված տարածքի համար պատասխանատու բնակիչներ, ովքեր հանձնառեցին հսկողություն սահմանել, որ բնակիչներն այլևս աղբը չթափեն սահմանված վայրից դուրս:
