Ֆիզկուլտուրայի և սպորտի բաժնի միջոցառումների պլանի համաձայն, 2019թ.-ի հուլիսի 22-ին «Հայաստան» մարզական հասարակական կազմակերպության շախմատի ակումբում անցկացվեց Վանաձոր քաղաքի տարեցների հանրապետական խաղերի համայնքային փուլը: Խաղերին մասնակցեցին 63 տարեկանից բարձր տարեցները: Խաղերն անցկացվեցին հետևյալ մարզաձևերից՝ շախմատ, շաշկի, նարդի և դարթս:
Կանանց մրցումներում հաղթողներ դարձան ՝ Սիլվա Եթիմյանը (նարդի), Լենա Անթառանյանը (դարթս):
Տղամարդկանց պայքարում հաղթողներ դարձան՝ Միշա Ազարյանը (դարթս), Համլետ Հարությունյանը (նարդի), Աշոտ Մարկոսյանը (շախմատ), Համլետ Մեջլումյանը (շաշկի):
Հաղթողները պարգևատրվեցին Վանաձորի համայնքապետարանի կողմից սահմանված պատվոգրերով և նվերներով, մրցանակակիրները՝ պատվոգրերով: