Ո Ր Ո Շ ՈՒ Մ
31 մայիսի 2019 թվականի N 73
ՎԱՆԱՁՈՐ ՀԱՄԱՅՆՔԻ ԲԱԶՈՒՄ ԹԱՂԱՄԱՍԻ ԲՈՒԼՂԱՐԱԿԱՆ-1 ԵՎ ԲՈՒԼՂԱՐԱԿԱՆ-2 ԱՌԱՆՁԻՆ ՏԱՐԱԾՔՆԵՐԻ ՀԱՏԱԿԱԳԾՄԱՆ ՆԱԽԱԳԻԾԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Վանաձորի քաղաքային համայնքի ավագանու 2014 թվականի նոյեմբերի 18-ի թիվ 56-Ն որոշմամբ հաստատված Վանաձոր քաղաքի գլխավոր հատակագծի լրամշակման նախագիծը, գլխավոր հատակագծի լրամշակման նախագծային առաջադրանքը, ՀՀ վարչապետի 2009 թվականի դեկտեմբերի 22-ի թիվ 1064-Ա որոշմամբ ստեղծված ՀՀ համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի եզրակացությունը, «ՀՀ նախագծերի պետական արտագերատեսչական փորձաքննություն» ՓԲԸ-ի 15.08.2013 թվականի թիվ 7/ՊՓ-267 փորձաքննության եզրակացությունը և ղեկավարվելով «Քաղաքաշինության մասին» ՀՀ օրենքի 143-րդ հոդվածի 22-րդ և 23-րդ կետերով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 29-րդ կետով` Վանաձոր համայնքի ավագանին որոշում է.
1.Հաստատել Վանաձոր համայնքի Բազում թաղամասի Բուլղարական-1 և Բուլղարական-2 առանձին տարածքների հատակագծման նախագիծը՝ համաձայն թիվ 1 հավելվածի:
2.Վերը նշված տարածքների անհատական բնակելի տներով զբաղեցված և սպասարկման համար անհրաժեշտ հողամասերը հատկացնել՝ համաձայն թիվ 1 հավելվածի:
3. Վանաձոր համայնքի ղեկավարին` սույն որոշումը եռօրյա ժամկետում ներկայացնել ՀՀ քաղաքաշինության կոմիտե:
| ԿՈՂՄ ( 22) | ԴԵՄ( 0) | ՁԵՌՆՊԱՀ ( 0) | |
|---|---|---|---|
| Մ.Ասլանյան | Ա.Փելեշյան | ||
| Գ.Քալանթարյան | Կ.Դավթյան | ||
| Ա.Գրիգորյան | Ա.Խաչատրյան | ||
| Վ.Դոխոյան | Ք. Մարուքյան | ||
| Ա.Մատինյան | Կ. Ղուկասյան | ||
| Հ.Մովսիսյան | Ա.Ավետյան | ||
| Մ.Հովհաննիսյան | Ա.Սիրադեղյան | ||
| Վ.Ավագյան | Վ.Կռոյան | ||
| Ս.Ղամբարյան | Ա.Կարապետյան | ||
| Մ.Ապերյան | Ս.Աղաբեկյան | ||
| Հ.Ղամբարյան | |||
| Դ.Հակոբյան | |||
ՀԱՄԱՅՆՔԻ ՂԵԿԱՎԱՐ` ՄԱՄԻԿՈՆ ԱՍԼԱՆՅԱՆ