Ո Ր Ո Շ ՈՒ Մ
21 հունիսի 2017 թվականի N 54-Ա

ՎԱՆԱՁՈՐ ՀԱՄԱՅՆՔԻ ՂԵԿԱՎԱՐԻ 2017 ԹՎԱԿԱՆԻ ՀՈՒՆԻՍԻ 13-Ի ՎԱՆԱՁՈՐ ՀԱՄԱՅՆՔԻ «ԹԻՎ 1 ՄՇԱԿՈՒՅԹԻ ՏՈՒՆ», «ԹԻՎ 2 ՄՇԱԿՈՒՅԹԻ ՏՈՒՆ», «ԳՈՒՍԱՆ ԶԱՔԱՐՅԱՆԻ ԱՆՎԱՆ ՄՇԱԿՈՒՅԹԻ ՏՈՒՆ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՎԵՐԱԿԱԶՄԱԿԵՐՊՄԱՆ ԵՎ ՎԱՆԱՁՈՐ ՀԱՄԱՅՆՔԻ «ՄՇԱԿՈՒԹԱՅԻՆ ՀԱՄԱԼԻՐ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ» ԹԻՎ 586-Ա ՈՐՈՇՈՒՄԸ ԵՎ ՎԱՆԱՁՈՐ ՀԱՄԱՅՆՔԻ «ՄՇԱԿՈՒԹԱՅԻՆ ՀԱՄԱԼԻՐ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հիմք ընդունելով համայնքի ղեկավարի որոշումը, ղեկավարվելով ՀՀ քաղաքացիական օրենսգրքի 63-րդ հոդվածի 1-ին և 3-րդ մասերի, 64-րդ հոդվածի 1-ին մասի, «Պետական ոչ առևտրային կազմակերպությունների մասին » ՀՀ օրենքի 9-րդ, 24-րդ հոդվածների, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 15-րդ կետի պահանջներով` համայնքի ավագանին որոշում է.

1. Վանաձոր համայնքի «Թիվ 1 մշակույթի տուն» համայնքային ոչ առևտրային կազմակերպությունը, «Թիվ 2 մշակույթի տուն» համայնքային ոչ առևտրային կազմակերպությունը և «Գուսան Զաքարյանի անվան մշակույթի տուն» համայնքային ոչ առևտրային կազմակերպությունը` միաձուլման եղանակով վերակազմակերպել և հիմնադրել Վանաձոր համայնքի «Մշակութային համալիր» համայնքային ոչ առևտրային կազմակերպությունը:
2. Վանաձոր համայնքի «Թիվ 1 մշակույթի տուն», «Թիվ 2 մշակույթի տուն», «Գուսան Զաքարյանի անվան մշակույթի տուն» համայնքային ոչ առևտրային կազմակերպությունները համարվում են վերակազմակերպված Վանաձոր համայնքի «Մշակութային համալիր» համայնքային ոչ առևտրային կազմակերպության պետական գրանցման պահից:
3. Վերակազմակերպված համայնքային ոչ առևտրային կազմակերպություններից յուրաքանչյուրի իրավունքներն ու պարտականությունները փոխանցել նոր ստեղծված` Վանաձոր համայնքի «Մշակութային համալիր» համայնքային ոչ առևտրային կազմակերպությանը` միաձուլման պայմանագրերին և փոխանցման ակտերին համապատասխան:
4. Հաստատել Վանաձոր համայնքի «Մշակութային համալիր» համայնքային ոչ առևտրային կազմակերպության կանոնադրությունը` համաձայն հավելվածի:
5. Համայնքի ղեկավարին` կազմակերպել Վանաձոր համայնքի «Թիվ 1 մշակույթի տուն», «Թիվ 2 մշակույթի տուն», «Գուսան Զաքարյանի անվան մշակույթի տուն» համայնքային ոչ առևտրային կազմակերպությունների վերակազմակերպման (միաձուլման ձևով) և Վանաձոր համայնքի «Մշակութային համալիր» համայնքային ոչ առևտրային կազմակերպության պետական գրանցման գործընթացը:
6. Սույն որոշումն ուժի մեջ է մտնում ընդունմանը հաջորդող օրվանից:

ՀԱՄԱՅՆՔԻ ՂԵԿԱՎԱՐ`  ՄԱՄԻԿՈՆ ԱՍԼԱՆՅԱՆ