Ո Ր Ո Շ ՈՒ Մ

30 ապրիլի 2020 թվականի N  33

ՎԱՆԱՁՈՐ ՔԱՂԱՔԻ ՆԱՐԵԿԱՑՈՒ ՓՈՂՈՑ ԹԻՎ 30/1-1 ՀԱՍՑԵՈՒՄ ԳՏՆՎՈՂ, ՎԱՆԱՁՈՐ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍԸ «ՀԱՅԱՍՏԱՆԻ ԷԼԵԿՏՐԱԿԱՆ ՑԱՆՑԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՕՏԱՐԵԼՈՒ ՄԱՍԻՆ

Հիմք ընդունելով «Հայաստանի էլեկտրական ցանցեր» ՓԲԸ «ԴԵԲԵԴ» մասնաճյուղ ԱՍ-ի տնօրեն Գ.Սարգսյանի 04.02.2020թ. թիվ 01-ԳՍ-100 գրությունը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 03022020-06-0059 վկայականը, ղեկավարվելով ՀՀ հողային օրենսգրքի 66-րդ հոդվածի 1-ին մասի 7-րդ կետով, «Տեղական ինքնակառավարման  մասին» ՀՀ օրենքի 18-րդ հոդվածի 1-ին մասի 21-րդ կետով՝ Վանաձոր համայնքի ավագանին որոշում է.

1. Տալ համաձայնություն Վանաձոր քաղաքի Նարեկացու փողոց թիվ 30/1-1 հասցեում գտնվող, Վանաձոր համայնքի սեփականություն հանդիսացող ՀՀ հողային օրենսգրքի 60-րդ հոդվածով սահմանված հողամասերի թվին չդասվող 13.54քմ մակերեսով հողամասը՝ համաձայն Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 03022020-06-0059 վկայականի՝ կադաստրային արժեքով՝ 25920 (քսանհինգ հազար ինը հարյուր քսան) դրամով, ուղղակի վաճառքի ձևով օտարելու «Հայաստանի էլեկտրական ցանցեր» ՓԲԸ-ին՝ որպես թիվ 7320 տրանսֆորմատորային ենթակայանի զբաղեցրած հողամաս:

2. Վանաձոր համայնքի ղեկավարին՝ «Հայաստանի էլեկտրական ցանցեր» ՓԲԸ-ի հետ ՀՀ օրենսդրությամբ սահմանված կարգով կնքել 13.54քմ մակերեսով հողամասի առուվաճառքի պայմանագիր:

ՀԱՄԱՅՆՔԻ ՂԵԿԱՎԱՐ`  ՄԱՄԻԿՈՆ ԱՍԼԱՆՅԱՆ