Ո Ր Ո Շ ՈՒ Մ

23 դեկտեմբերի 2020 թվականի N 129

«ԱՇԽԱՏԱՆՔԱՅԻՆ ՌԵԶԵՐՎՆԵՐ» ՄԱՐԶԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ՎԱՆԱՁՈՐԻ ՄԱՍՆԱՃՅՈՒՂԻՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐՎԱԾ ՏԱՐԱԾՔԻ ՊԱՅՄԱՆԱԳՐԻ ԺԱՄԿԵՏԸ ԵՐԿԱՐԱՁԳԵԼՈՒ ՄԱՍԻՆ

Հիմք ընդունելով «Աշխատանքային ռեզերվներ» մարզական հասարակական կազմակերպության նախագահ Ա․ Ռ․ Մեհրաբյանի 10․11․2020թ․ թիվ 0/38 գրությունը, Վանաձորի համայնքի ավագանու 2010 թվականի ապրիլի 16-ի ««Աշխատանքային ռեզերվներ» մարզական հասարակական կազմակերպության Վանաձորի մասնաճյուղին տարածք հանձնելու մասին» թիվ 22 որոշումը, 2010 թվականի մայիսի 6-ի «Ոչ բնակելի տարածքի անհատույց օգտագործման» թիվ 239 պայմանագիրը, անշարժ գույքի սեփականության (օգտագործման) իրավունքի գրանցման թիվ 1930765 վկայականը և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով՝ Վանաձոր համայնքի ավագանին որոշում է.
1․ Վանաձորի համայնքի և «Աշխատանքային ռեզերվներ» մարզական հասարակական կազմակերպության Վանաձորի մասնաճյուղի միջև 2010 թվականի մայիսի 6-ին կնքված «Ոչ բնակելի տարածքի անհատույց օգտագործման» թիվ 239 պայմանագրի ժամկետը երկարաձգել 15 (տասնհինգ) տարով՝ մինչև 2035 թվականի մայիսի 6-ը։
2․ Վանաձոր համայնքի ղեկավարին՝ «Աշխատանքային ռեզերվներ» մարզական հասարակական կազմակերպության Վանաձորի մասնաճյուղի հետ ՀՀ օրենսդրությամբ սահմանված կարգով կնքել ոչ բնակելի տարածքի անհատույց օգտագործման պայմանագրի ժամկետը երկարաձգելու վերաբերյալ համապատասխան համաձայնագիր։

ՀԱՄԱՅՆՔԻ ՂԵԿԱՎԱՐ՝    ՄԱՄԻԿՈՆ ԱՍԼԱՆՅԱՆ