Հունվարի 6-ին՝ Քրիստոսի Սուրբ Ծննդյան և Աստվածահայտնության տոնին, Վանաձորի առաջնորդանիստ Սուրբ Գրիգոր Նարեկացի եկեղեցում մատուցվեց Սուրբ և Անմահ Պատարագ՝ ձեռամբ թեմակալ առաջնորդ գերաշնորհ Տեր Հովնան եպիսկոպոս Հակոբյանի։
Պատարագին ներկա էին Վանաձոր համայնքի ղեկավարի պաշտոնակատար Արկադի Փելեշյանը, Լոռու մարզպետի տեղակալ Հովհաննես Ավետիսյանը, մարզային և քաղաքային իշխանությունների ներկայացուցիչներ, հավատավորներ։Թեմակալ առաջնորդը ներկաների համար ընթերցեց Ն․Ս․Օ․Տ․Տ Գարեգին Բ Ամենայն Հայոց կաթողիկոսի Սուրբ Ծննդյան պատգամը, շնորհավորանքի և օրհնության խոսք հղեց հավատավորներին։Այնուհետև հավատացյալներին ներկայացվեց խաչքավորը։ Այս տարի եկեղեցու խաչքավոր դարձավ Վանաձորի համայնքի ղեկավարի պաշտոնակատար Արկադի Փելեշյանը։Պատարագի ավարտին կատարվեց Ջրօրհնյաց արարողություն։ Սրբազան Հայրը Սուրբ Մյուռոնով օրհնեց ջուրը։ Այն խորհրդանշում է մեր Տեր Հիսուս Քրիստոսի Մկրտությունը Հորդանան գետում։Օրհնված ջուրը բաժանվեց ներկաներին։
